.svg)
Зелените работни места во светски рамки се дефинираат како позиции или работа која активно придонесува за зачувување на животната средина, намалување на негативните влијанија на природата и промовирање на одржливи практики. Овие работни места се дел од секторите што се фокусирани на заштита на природните ресурси, намалување на загадувањето, намалување на отпадот, и промовирање на енергетска ефикасност и обновливи извори на енергија.
Целта на оваа дигитална брошура која е поддржана и финансирана од Град Скопје, е да се соберат контакти од луѓе кои се на различни зелени работни позиции со се нивни сведоштва (testimonials) за тоа како се решиле да работат ваква професија, како го нашле работното место, какво образование било потребно за да се стигне до такво работно место и слично.
Сакаме да им покажеме на младите дека и кај нас може да се биде успешен, исполнет и професионално остварен на работно место кое директно придонесува за унапредување на состојбата на животната средина.
Се обративме до професионалци од најразлични индустрии: претприемачи, инженери за обновливи извори на енергија, дизајнери кои се занимаваат со одржлива мода и дизајн, архитекти, инженери и техничари од преработувачка индустрија, оние кои работат на јавни функции на пр. министерство за животна средина итн.
Погледни ја целата брошура тука.
