Литванија е земја на спротивности. Во есен и зима е многу тмурна, но во пролет, а особено лето- е толку раздвижена и топла што јас се чувствував како да живеам во сосема различни држави низ сезоните. Често студеното време доаѓа рано и брзо-може да се почувствува уште во септември за разлика од кај нас, а и снегот во зима редовно е присутен. Разликата е голема и во тоа што во топлите месеци сонцето зајдува доста касно-во текот на летото тоа е дури 22:30/23:00 . Во овие месеци Литванците излегуваат во своите најсакани шуми за да се рекреираат преку активности како возење велосипед, трчање и кампување, додека во есен излегуваат на истите места за да соберат што повеќе печури за претстојниот студен период. На тема плодови и растенија-Литваниците се големи љубители на свежи и био продукти. Во лето многу сакат да јадат „шалтибаршаи“ -ладна манџа која е составена од цвекло, краставица, кромид, варено јајце, копар и кефир. Ја нарекуваат розева манџа и дури имаат фестивал посветен на неа. Во зима пак, јадат храна со повеќе масти, но воедно со база на многу зеленчуци од кој најчест е компирот. Од него ги прават познатите цепелини од компири, како и палачинки од печени компири. Ваквата храна е се со цел да останат згреани во текот на зимата
А кога ќе им се здосади од ладното време го започнуваат фестивалот „ужгавенес“ кој се случува седум недели пред Велигден и на кој литванците горат една голема дрвена кукла како симбол на изгонување на зимата и повикување на летото. Ова е еден пагански ритуал, сличен на нашиот Вевчански карневал каде што многумина се маскираат за да ја „исплашат“ зимата.
Бидејќи многу од нивните активности и традиции се случуваат околу шумите, Литванците имаат донесено неколку закони за зашитита на шумите.
За да се гради било што околу овие места, потребна е посебна дозвола и документација а, оган може да се пали само на места определени за тоа и само доколку се извести и добие дозвола од шумската патрола. Сите овие нешта придонесуваат за зачувување на шумите кои за возврат го прочистуваат воздухот и го подобруваат целокупното здравје на граѓаните.
.svg)
