Проекција на ГЕРЛАХ, ПОСЛЕДНИОТ ЗЕМЈОДЕЛЕЦ вечерва од 20:00ч во склоп на Зимски МакеДокс | 2023 | 76’ | реж: Aliona van der Horst, Luuk Bouwman
''Бавен и со предвидлив ритам, но пропратен со неколку неочекувани моменти кои ни даваат прилика да ѕирнеме во комплексноста на еден навидум едноставен свет. Таков е филмот Герлах - последниот земјоделец, но и животите на земјоделците кои можеби за многумина од страна изгледаат монотоно, но во реалноста се испреплетени со многу влијателни случувања од различен карактер - политички и бизнис одлуки, забрзана глобализација, отселување на работната сила од руралните средини и во поново време - сѐ повеќе временски непогоди.
Полека но сигурно ја губиме врската со храната. Таа се почесто доаѓа од некаде далеку, со двајца, тројца и повеќе играчи во синџирот на снабдување каде секој сака да зграби што поголем дел. Филмот ја раскажува приказната за Герлах, еден од последните земјоделци во околината на Амстердам, кој наоѓа желба за живот и радост во староста преку директниот контакт со клиентите кои доаѓаат во неговиот ‘’Рај за компири’’. Но наместо последните години да ги помине во мир и правејќи го она што од секогаш го сакал - одгледувањето на храна, Герлах е принуден да води битка за своето парче земја против сите кои во него гледаат можност за генерирање на уште повеќе профит - преку изгадба на нов бизнис центар, нов пат или пруга, нов ресторан на ланците за брза храна.
''Дали вреди да инвестираме во толку инфраструктура кога истата во голема мера се користи со цел полесно и поефикасно транспортирање на храна и други добра од секаде низ светот, а кои можеме да ги произведеме локално?'' - се прашува тој.
Едноставниот живот на овој јунак кој го гледаме низ повторливите сцени во неговиот скромен дом и полињата со мешани култури, игра улога на една противтежа на светот кој станува се покомплексен и похаотичен. Ова не е само приказна за Герлах. Ова е приказна за сите нас – за губењето на врската со корените, со земјата, и со храната што нѐ одржува живи.''
Вечерва (12.12.2024) во склоп на зимски МакеДокс ќе се прикажува филмот Герлах, последниот земјоделец во Лабораториум од 20:00 часот.
По филмот ќе следи и дебата на тема:
Овие прашања ќе ги отвори Андријана Папиќ Манчева заедно со Кирил Шентевски, Александар Николовски (Општествена градина - Бостание) и Милица Петрушевска (Зелена република).
.svg)
